Herri Babesarearen lehen topaketa urriaren 16an izan zen, Aieteko Jauregian. Hara iritsi ziren ekimenean lan egin zuten Mundubateko taldea eta Nazioarteko Bake Brigadak (PBI), bai eta sarean parte hartzeko interesa zuten udalerrietako ordezkari politiko eta teknikoak ere. Eneko Mundubateko presidenteak eta Miriam PBIko sentsibilizazio-arduradunak adierazi zuten bezala, jardunaldi horren bidez topaketa-gune bat ireki nahi zen, udal babes-sare bat sortzeko aukerak aztertzeko eta azarorako aurreikusitako lehen foro ibiltariari begira jarduerak zehazteko.
Giza Eskubideen Nazioarteko Zuzenbidearen eremura gehiago hurbiltzeko, Isabel Limak eta María Gutierrezek “Babesteko betebeharra” izeneko ikerketa aurkeztu zuten. Bertan, estatuek giza eskubideak errespetatu, babestu eta gauzatzeko duten betebeharra aztertzen dute, eta erantzukizun hori botere publiko guztiei (betearazlea, legegilea eta judiziala) eta agintari publikoei (nazionala, eskualdekoa edo tokikoa) dagokie. Babeserako udal-sare bat eratzeari dagokionez, agerian jarri zen tokiko erakundeek nola garatu ditzaketen babeserako neurri espezifikoak, gizarte-ehunarekiko hurbiltasun-posizio abantailatsua aprobetxatuz.
Herri Babesarearen ekimena Ciutats Defensores dels Drets Humans izeneko Kataluniako esperientzian inspiratuta dago, beraz, jardunaldi honetan Fons Catalá de Cooperació al Desenvolupament-eko Toni Royo entzuteko aukera ere izan genuen.
Monica, Mundubateko Giza Eskubideen arduradunak, honako alderdietan oinarritu zuen bere mintza; sare batek topagune gisa dituen bertuteak giza eskubideen urraketaren larritasun-egoeraren eta ahalegin koordinatuak eskatzen dituen lan-eskariaren aurrean; udalarena izateak, herritarren jarduera-eremua eta tokiko esparruetan elkartasuna berreskuratzeko eremua baimentzen du; eta, azkenik, babesa erdigunean, kalteberatasun-egoera areagotu izanaren aurrean eta segurtasun fisikoaren, legezko laguntzaren, arreta psikosozialaren, zaintzaren eta arrisku bereziko egoeran dauden defendatzaileen berehalako irteeren eskaerak areagotu izanaren aurrean.
PBIko Miriamek koordinatutako elkarrizketa-espazioa agertoki ezin hobea izan zen zalantzak eta ziurtasunak bateratzeko eta ekintza-proposamenak definitzen hasteko. Horren ondorioz, sare bezala ibiltzen hasteko baterako lan-agenda bat sortu zen.