1. EGIAZTAPEN-MISIOAREN TXOSTENAREN AURKEZPENA

Ermua

Joan den urriaren 14an hasi zen Giza Eskubideen lehen Egiaztapen-misioari buruzko txostenaren aurkezpen-bira.

Ermuako udaletxean udalbatza, Mundubateko ordezkaria eta misioaren parte izan zen Montserrat Jiménez, Bilarko Udaleko Berdintasun eta Ingurumeneko zinegotzia, bildu ziren.

Laudio

Kolonbiako giza eskubideen defentsaren egoerari buruzko txostenaren aurkezpenekin jarraitzen dugu, oraingo honetan Laudioko udalerrian.

Laudioko udalbatzak egiaztapen-misioan parte hartu zuten bi zinegotzi entzun ahal izan zituen, zehazki, Montserrat Jiménez Bilarreko zinegotzia eta Nagore Gomara bisitatutako udalerri bereko zinegotzia. Hauek txostenaren puntu garrantzitsuenen laburpena egin zuten, bai eta Kolonbiako egoerari buruzko balorazioak azaldu ere.

Hernani

Hernanin, udalerriko alkateak gainerako udalbatzarekin batera harrera egin zieten egiaztapen-misioko partaide eta Laudioko eta Pasaiako zinegotziak diren Nagore Gomarari eta Aintzane Tabernari. Bi ordezkariek, Itsaso Lekuonarekin batera, misioko partaide ere izan zena eta Hernaniko zinegotzi dena, Kolonbian egindako misioari buruzko txostena aurkeztu zuten udaletxean, baita herrialdearen egoerari buruzko esperientzia eta ikuspegia partekatu ere.

Bilar

Abenduaren 12an, Kolonbiako egiaztapen-misioari buruzko txostenaren hirugarren aurkezpena egin zen Bilarko udalerrian, oraingo honetan herritarrei irekitako formatuan.

Misioko partaideak izandako Nagore Gomara, Laudioko zinegotzia, eta Aintzane Taberna, Pasaiako zinegotzia bertaratu ziren. Han udalerriko alkateak eta misioaren parte ere zen Montserrat Jiménez zinegotziak harrera egin zieten.. Hiru udal ordezkarien artean txostenaren puntu garrantzitsuenak, ondorioak eta gomendioak azaldu zizkieten bertaratutako biztaneleei. Kolonbiako egoera konplexuari buruzko pertzepzioak ere partekatu ahal izan zituzten, eta eztabaida bat ireki ahal izan zen egoera hori sortzen duten arazoak pixka bat gehiago ulertzen saiatzeko.